BULACAN, Philippines – Kalaboso ang tatlong miyembro ng notoryus na Akyat-Bahay Gang matapos maaresto ng mga operatiba ng pulisya sa Barangay Muzon sa San Jose Del Monte City, Bulacan kamakalawa ng hapon. Pormal na kakasuhan ang mga suspek na sina Joey Bron, 21, traysikel drayber; Marvin Diwata 22, kawani ng Nutrimix Feeds; at si Peter John Torres, 27, pawang nakatira sa Sarmiento Homes sa nabanggit na barangay. Narekober sa mga suspek ang ilang kasangkapan kabilang ang flat screen television, gas range, amplifier, DVD player at iba pang ari-arian na pag-aari nina Mary Rachel Ragindin, 32, call center agent at Allen Cantila, 30, kapwa nakatira sa Pabahay 2000 sa nasabing barangay.