Trak vs dyipni: 2 dedo, 29 sugatan

MANILA, Philippines - Dalawa-katao ang iniulat na nasawi habang 29 iba pa ang nasugatan matapos magbanggaan ang pick-up truck at kasalubong nitong pampasaherong jeepney sa kahabaan ng highway sa Toril District, Davao City noong Sabado ng umaga.

Nasawi ang pasaherong si Leah Nacionales, 48, ng Brgy. Astorga, Sta. Cruz, Davao del Sur at ang driver ng pick-up truck na hindi natukoy ang pangalan.

Isinugod naman ang mga nasugatang biktima, dalawa rito ay nasa kritikal na kondisyon sa Southern Philippines Medical Center.

Base sa ulat ng Davao City PNP, naganap ang insidente sa kahabaan ng highway sa Barangay Binugao dakong alas-7 ng u­maga.

Ayon sa imbestigasyon, bumabagtas ang pick-up truck (LGS-965) patungo sa palengke nang makasalpukan ang pampasaherong jeepney (LVA-284).

Sa lakas ng banggaan ay kaagad na nasawi ang dalawang biktima habang naisugod naman sa nasa­bing ospital ang mga na­sugatan.