Sorbetero kinatay ng mag-utol

TUGUEGARAO CITY, Philippines - Isang 50-anyos na sorbetero ang iniulat na nasawi matapos pagtulungang saksakin ng mag-utol na senglot sa Barangay Rizal, Roxas, Isabela kamakalawa. Kinilala ng pulisya ang biktima na si Ambel Cabauatan ng Barangay Bangag sa Bayan ng Sta. Maria. Samantala, tugis naman ng pulisya ang mag-utol na suspek na sina Christopher at Ambong Narag na kapwa tubong Alcala, Cagayan. Nabatid na ipinarada ng grupo ng biktima kasama ang mag-utol ang kanilang mga tulak na kariton ng sorbetes upang magkasayahan sa inuman. Nagkainitang ang mag-utol na humantong sa duelo kung saan pumagitna naman ang biktima para umawat. Dito naibuhos ng magkapatid ang ngitngit sa isa’t isa kung saan gutay-gutay ang katawan ng biktima sa saksak.