Trader dedo sa resort hotel

CAMP SIMEON OLA, Legazpi City, Philippines  – Pinaniniwalaang nasobrahan sa pakikipagtalik ang 64-anyos na negosyante kaya inatake sa puso at nasawi sa loob ng resort hotel sa Barangay Calayucay sa bayan ng Sto. Domingo, Albay kamakalawa ng hapon. Idineklarang patay sa BRTTH ang biktimang si Virgilio Cana ng P-2, Barangay Cararayan sa bayan ng Tiwi, Albay. Sa ulat ng pulisya, lumilitaw na nag-check-in ang biktima na may kasamang di-kilalang babae sa Salukot Beach Resort. Makalipas ang ilang oras lumabas ang babae at humihingi ng tulong sa ilang staff ng resort na dalhin ang kanyang kasamang lalaki sa ospital dahil hirap itong huminga kung saan hindi na umabot ng buhay ang biktima. Hindi naman mahagilap ang kasamang babae matapos dalhin sa ospital ang biktima.