Negosyante nagpakalunod sa dagat

CEBU CITY, Philippines – Pinanini-walaang matinding problema sa ilang negosyo ang moti­bo kaya kusang nagpasulong kay kamatayan ang 39-anyos na negos­yanteng misis matapos mag-dive sa dagat mula sa sinasakyang barko malapit sa Camotes is­ land noong Huwebes ng gabi.

Kinilala ng kanyang utol na si Ma. Gladys Teves, 41, ang nag-suicide na si Ma. Gretel Enas, miyembro ng Phil. Benevolent Missiona-ries Association (PBMA) at may negosyong bigasan at Internet café sa Barangay Guizo at may tatlong anak na 3, 4, at 7-anyos.

Nabatid na si Enas ay patungo sana sa San Jose, Dinagat Island sa Surigao lulan ng M/V Pilipinas Dinagat na pag-aari ng Cokaliong Shipping.

Napag-alamang tinangkang tumalon ni Enas sa unang pagkakataon subalit napigilan lamang ng ilang crew ng barko.

Bandang alas-3 ng ma­daling-araw, hindi na napansin ng mga pahinante ng barko na tuluyang tumalon muli si Enas sa karagatan.

Nabatid din na bago uma­lis ang biktima ay naikuwento nito sa kanyang utol na mara-ming naiinggit sa kanyang  rice business at internet café.

Narekober naman ang bangkay ng biktima sa ka­ra­ gatan ng Hilongos sa Leyte kahapon ng umaga. Freeman News Service