Misis tinarakan, todas

CAVITE, Philippines  – Dalawampu’t siyam na saksak ang tumapos sa buhay ng isang ginang matapos itong pagsasaksakin ng hindi pa nakilalang salarin sa Barangay 36, Caridad, Cavite City.

Sa ulat ni Cavite Police spokesman Supt. Jerry V Protacio ang biktima ay nakilalang si Glenda Mejilla, 46 taong gulang, may asawa at residente ng Bagong Purok Calumpang ng nasabing lugar habang hindi naman nakilala ang suspek na mabilis na tumakas tangay ang patalim na ginamit sa krimen.

Batay sa imbestigasyon ni PO3 Rodel Noo Buitizon, may hawak ng kaso dakong alas 4:30 ng madaling araw, kahapon ng matagpuan ang nakahandusay na bangkay ng biktima sa tabing kalsada ng nasabing lugar.

Nagulantang umano ang mister ng biktima na si Ricky Mejilla, ng matagpuan ang duguang bangkay ng kaniyang misis na idineklarang dead-on-arrival sa pagamutan sa tinamong 29 saksak. Iniimbestigahan pa ang kasong ito.