Negosyante uli pinabulagta

BULACAN, Philippines – Napatay ang 61-anyos na ne­­go­s­yan­teng ­misis makaraang barilin ng riding-in-tandem sa liblib na bahagi ng Barangay Biñang 2nd sa bayan ng Bocaue, Bulacan kamaka­lawa ng gabi.

Napuruhan sa ulo ang biktimang si Fortunata Pa­laganas, may negosyong money changer at alahas, miyembro ng Christ Commission Fellowship at nakatira sa Barangay Malhacan sa Meycauayan City, Bulacan.

Lumilitaw na patungo sana sa St. Paul Hospital ang biktima kasama ang dalawang apo para dalawin ang kanyang anak na may sakit nang harangin ng lalaking naka-helmet.

Kinompronta ng suspek ang biktima kung saan ilang minuto ang nakalipas ay binaril ito sa sentido.

Hindi naman tinangay ng mga suspek ang shoulder bag ng biktima na naglalaman ng mala­king halaga at personal na gamit habang patuloy naman ang imbestigasyon.