4 tiklo sa drug bust

BULACAN, Philippines – Rehas na bakal ang binagsakan ng apat na sibilyan makaraang maaresto ng pulisya sa inilatag na drug bust operation kamakalawa ng gabi sa magkahiwalay na bayan sa lalawigan ng Bulacan. Kinilala ng pulisya ang mga suspek na sina Renato Carsolin Jr, Rhomwen Orejudos, Sandy Domingo at si Rod Rodrigo. Sa ulat ni P/Supt. Elvis Diaz, nasamsam kay Orejudos ang 50 gramo ng shabu, mark money matapos salakayin ang kanyang bahay sa Barangay Malis sa Guiguinto, Bulacan. Samantala nasamsam naman kina Domingo at Rodrigo ang isang baril, hindi nabatid na kilo ng shabu matapos ang operasyon sa Barangay Cambaog sa bayan ng Bustos Bulacan.