Buntis inutas, iniwan sa kanal

BULACAN ,Philippines  – Brutal na kamatayan ang sinapit ng isang babaeng buntis matapos saksakin at binasag pa ang bao ng ulo saka iniwan sa irrigation canal sa bisinidad ng Barangay Pinagbakahan sa Malolos City, Bulacan. Kasalukuyang bineberipika ang pagkakakilanlan ng biktimang nasa edad 24 hanggang 30, nakasuot ng T-shirt at short pants, at aabot sa limang 5 talampakan ang taas. Base sa imbestigasyon ng pulisya, dakong alas-6 ng umaga nang madiskubre ang bangkay ng biktima kung saa nakabalot pa ang mukha at kamay ng packaging tape. Lumalabas sa pagsusuri na ang biktima ay apat hanggang limang buwang buntis kung saan pinaniniwalaang pinatay sa ibang bayan saka itinapon sa nasabing kanal.