CAMP SIMEON OLA, Legazpi City ,Philippines – Tatlo-katao ang iniulat na napaslang matapos ratratin ng mga armadong bandido sa liblib na bahagi ng Barangay Maglagbong sa bayan ng Monreal, Masbate kahapon ng umaga. Isa sa tatlong napatay ay ang barangay tanod na si Arsenio Cabarles ng Barangay Bacacay sa bayan ng Mobo habang ang dalawa ay bineberipika pa ang pagkakakilanlan. Sa inisyal na ulat ng pulisya, lumilitaw na dinukot muna ang mga biktima saka dinala sa masukal na lugar bago pinagbabaril. Walang malinaw na motibo ang nasisilip ng pulisya sa naganap na pamamaslang habang patuloy ang imbestigasyon.