Dalaga pinilahan sa palengke

BULACAN, Philippines – Napariwara ang kinabukasan ng isang 23-anyos na dalaga matapos pilahang gahasain ng tatlong kalalakihang vendor sa pampublikong palengke ng Harmony Hills sa Barangay Loma De Gato sa bayan ng Marilao, Bulacan kamakalawa ng gabi. Sa ulat na nakarating kay P/Supt.Gerardo Andaya, namimili ang biktimang itinago sa pangalang Judy nang mapagawi sa tatlong suspek na nag-iinuman ng alak kung saan inalok ito na makipag-inuman. Tumanggi naman ang biktima dahil hindi naman niya nakilala ang tatlo. Dito nagalit ang mga suspek at hinabol ang biktima saka isinagawa ang maitim na balak. Naipaabot naman ng biktima sa himpilan ng pulisya ang insidente kaya naaresto ang dalawa sa tatlong suspek na sina Renato Fernandez at ang utol nitong menor-de-edad.