MANILA, Philippines - Umaabot sa P 6.9 milyong halaga ng pinatuyong dahon ng marijuana ang nasamsam ng mga operatiba ng PNP-Criminal Investigation and Detection Group matapos masakote ang tatlong miyembro ng Cordillera trafficking syndicate sa inilatag na buy-bust operation sa Barangay Dau sa bayan ng Mabalacat, Pampanga kamakalawa.
Kinilala ni PNP-CIDG Chief P/Director Samuel Pagdilao Jr. ang mga suspek na sina Catherine Lamog, 44, ng Bontoc, Mt. Province; Julie Baggas, 37, ng Mainit, Bontoc; at Yolanda Adaol, 42, ng Tinglayan, Kalinga; pawang miyembro ng Kamot Group na responsable sa pagbebenta ng marijuana mula sa Mountain Province.
Nasamsam sa mga suspek ang 69 bricks ng marijuana na nagkakahalaga ng P 6.9 milyon at 15 piraso ng hashish brown flakes na may market value na P362,500.
Inihayag ng opisyal na ang tatlo ay sangkot sa trafficking ng marijuana sa Central Luzon, Southern Tagalog at Metro Manila.