Kidnap: Pamangkin ng mayor nasagip

MANILA, Philippines - Nasagip ng pinagsanib na elemento ng pulisya at militar ang pamangkin ng alkalde na kinidnap sa isinagawang follow-up operation kamakalawa ng gabi sa Barangay Dalican sa bayan ng Datu Odin Sinsuat, Maguindanao. Bandang alas-11:15 ng gabi nang mailigtas ang biktimang si Rome Cabaya, 23, pamangkin ni Mayor Lorito Cabaya ng Aleosan, Cotabato. Lumilitaw na dinukot ang biktima ng mga armadong Moro Islamic Liberation Front sa bisinidad ng Barangay Dualing noong Nobyembre 18, 2011 matapos harangin habang nagmomotorsiklo kasama ang kaibigan kung saan hindi naman idinamay ang kaibigan nito.

Humihingi ang mga kidnaper ng P2 milyon ransom kapalit ng kalayaan ng biktima.