MANILA, Philippines - Bumagsak sa kamay ng mga awtoridad ang retiradong pulis matapos na maaresto sa inilatag na buy-bust operation sa Cotabato City, Maguindanao, ayon sa ulat kahapon. Kinilala ni PDEA Director General Undersecretary Jose S. Gutierrez, Jr. ang suspek na si Abubakar P. Paguital, 61, ng Pansacala Street, Rosary Heights 10 sa nabanggit na lungsod. Si Paguital ay nadakip ng mga tauhan ng PDEA Autonomous Region for Muslim Mindanao, Intelligence Operatives of Central Anti-Illegal Drugs and Special Operations Task Force, at ilang sundalo ng 7th Marine Battalion Landing Team. Nasamsam sa suspek ang iba’t ibang uri ng drug paraphernalia, isang plastic sachet na shabu (0.04 gram) at ang mark money na ginamit sa entrapment operattion.