3 Vault Cutter Gang, dakma

NUEVA ECIJA, Philippines – Kalaboso ang tatlong kalalakihang mi­yembro ng Vault Cutter Gang matapos madakma ng pulisya sa loob ng pawnshop sa Barangay DL Maglanoc sa bayan ng Carranglan, Nueva Ecija, kamakalawa ng gabi. Kinilala ni P/Supt. Roberto Aliggayu, Nueva Ecija PNP director, ang mga suspek na sina Pedro Polides, 39, ng Del Pilar, Ilocos Sur; Joe Apalet, 38, ng Sigay, Ilocos Sur; at si Oscar Docyogen, 34, ng Baguio City. Sa ulat, nadiskubre ang panloloob matapos mapansin ng isang kawani na may mga tao sa loob ng Cebuana Lhuillier Pawnshop and Money Transfer, kahit naka-podlock ito. Dito na rumesponde ang mga pulis matapos malaman ang insidente. Nakumpiska sa mga suspek ang vault cutter, acetylene mini tank, super kalan mini tank, isang Molye, dalawang bareta de cabra, at iba pang gamit sa modus operandi.