Financial consultant nilikida

MANILA, Philippines - Pinagbabaril hanggang sa mapatay ang 32-anyos na financial consultant ng korporasyon sa naganap na pananambang ng motorcycle-riding gunmen sa highway ng Barangay Lagyo sa bayan ng Gumaca, Quezon kamakalawa ng umaga. Sa ulat na nakarating kahapon sa Camp Crame, kinilala ang biktima na si Philip Penarroyo ng Fundline Finance Corp. at nakatira sa Barangay Mabini sa nasabing bayan. Nabatid na nagmomotorsiklo ang biktima patungo sa trabaho at kaangkas  ang kawani ng kanilang opisina na si Zenaida Nakpil nang tambangan ng riding-in-tandem. Upang makasiguro ay pinaputukan sa ulo upang tiyakin na hindi na mabubuhay ang target. Nagtamo naman ng mga galos sa katawan si Nakpil sa pagsemplang ng motorsiklo pero hindi ito idinamay ng gunman.