6 katao nilamon ng flashflood

MANILA, Philippines - Napaaga ang salubong ni kamatayan laban sa anim na sibilyan makaraang tangayin ng malakas na agos ng tubig-baha habang tumatawid sa ilog sa bayan ng Poona Piagapo, Lanao del Norte noong Huwebes.

Kinilala ang mga nasawi na sina Rahcman Ampang, 54; Normkila Ampang, 35; Subaida Ampang, 48; Aslima Ampang, 32; Noraima Talib, 26; at si Ainah Ali, 5, habang nakaligtas naman sina Bulawan Ampang, 28; Cosari Ampang, 28; at Salima Ampang, 18.

Ayon kay Ana Cañeda, director ng Office of Civil Defense sa Northern Min­danao, ang mga biktima ay nalunod matapos rumagasa ang tubig-baha subalit walang nagsilikas dahil hindi umabot ang flashflood sa residential areas.

Nabatid na tumatawid ang mga biktima nang anu­rin ng malakas na agos ng tubig na umapaw mula sa creek patungong ilog.

Matapos ilatag ang search and rescue ope­ration ay narekober ang mga bangkay ng biktima sa mababaw na bahagi ng Mailunod River sa bayan ng Kauswagan noong Bi­yernes.

Ang bayan ng Poona Piagapo at 5th class municipality sa Lanao del Norte kung saan dumarami ang Maranao. Alexis Romero (Phil. Star News Service)