CAMARINES NORTE, Philippines — Pinagtulungang saksakin hanggang sa mapatay ang isang barangay tanod ng mga 'di-kilalang kalalakihan sa loob ng outpost sa Barangay San Jose sa bayan ng Baao, Camarines Sur kamakalawa ng gabi. Lumilitaw na bandang alas-8:45 ng gabi nang biglang huminto ang van sa harapan ng outpost kung saan nagbabantay ang biktima. Dito na bumaba ang apat na kalalakihan at pinagtulungang saksakin ang biktimang si Jason Noriondo.