MANILA, Philippines - Masyadong maaga ang salubong ni kamatayan sa isang 8-buwang sanggol na babae matapos makulong sa nasusunog nilang tahanan sa Barangay Cuyab, San Pedro sa Laguna noong Miyerkules ng gabi. Kinilala ni P/Supt. Kirby Jhon Kraft, hepe ng San Pedro PNP ang biktima na si Shena Mae Combite na halos hindi na makilala sa grabeng pagkasunog ng katawan. Sa phone interview, sinabi ni Kraft na naputulan ng kuryente ang tahanan ni Julia Marinas, 65, biyuda kung saan gumamit na lamang ng kandila subalit natumba hanggang sa magliyab ang buong kabahayan. Nagsimula ang apoy sa ikalawang palapag ng bahay ng matanda saka kumalat kung saan nakaligtaan naman ang natutulog na apo na kaniyang inaalagaan. Sa inisyal na ulat ng mga arson investigator, umaabot sa P.3 milyong halaga ng air-arian ang naabo.