Bading kinalasan ng bf, nagbigti

MANILA, Philippines - Kusang nagpasalubong kay kamatayan ang isang 28-anyos na bading na sinasabing kinalasan ng kanyang nobyo matapos itong magbigti sa loob ng kaniyang parlor sa Rizal Aveneue, Barangay Poblacion II sa bayan ng Nagcarlan, Laguna kamakalawa. Bandang alas-10 ng umaga nang matagpuan ang nakabiting katawan ni Alberto Sombilla ng Barangay Banago. Narekober ng pulisya ang suicide note kung saan nakasaad na winakasan ng biktima ang kaniyang buhay dahil sa sobrang desperado sa pag-ibig. Sinasabing hindi matanggap ng biktima na may nililiyag na ibang babae ang kaniyang boyfriend kaya kusang nagpasalubong kay kamatayan.