Driver patay sa road mishap, 5 sugatan

KIDAPAWAN CITY, Philippines – Patay ang isang driver ng van habang lima pa katao ang nasugatan matapos na bumangga ang behikulo sa sinusundang isang cargo truck sa highway ng Brgy. Bulatucan, Makilala , North Cotabato kamakalawa ng gabi. Kinilala ang nasawing biktima na si Wennie Awayan, 38, driver ng Toyota Hi-Ace van na halos napisak sa pagkakabangga sa 10 wheeler cargo truck. Ang mga nasugatan ay kasalukuyan namang ginagamot sa Makilala Medical Specialist Hospital. Sa imbestigas­yon, dakong alas-11 ng gabi habang bumabagtas sa lugar ang van ng makabanggaan nito ang 10 wheeler cargo truck sa nasabing lugar. Sa testimonya ng mga pasahero, masyadong mabilis ang pagpapatakbo ni Awayan na nagbunsod sa trahedya. Malu Cadelina Manar