Misis ng Briton kinidnap

MANILA, Philippines - Dinukot ng mga armadong kalalakihan ang Pinay trader na sinasabing ka-live-in ng mayamang Briton sa bayan ng Ipil, Zamboanga, Sibugay kamakalawa ng gabi.

Kinilala ni P/Director Felicisimo Khu, ang panibagong biktima ng kidnapping na si Luisita Galvez, 34, ng Lot 9, Nesoricom, Brgy. Magdaup at live-in partner ni Raymund George Morrison na nagtatrabaho sa oil company  na nakabase sa Malaysia.

Naganap ang pagdukot matapos magpanggap na mga customer ang mga armadong kalalakihan sa R & L SPA sa Poblacion na pag-aari ni Galvez.

Narekober naman ng mga awtoridad ang gate­away vehicle ng mga kidnaper na inabandona sa Brgy. Bangkerohan.

Bumuo na ng Crisis Management Committee sa pamumuno ni Mayor Eldwin Alibutan para sa agarang pagpapalaya sa biktima.