13 Budol-Budol Gang dakma
ILAGAN, Isabela, Philippines – Labing-tatlo na miyembro ng Budol-Budol Gang na may iba’t ibang kasong kriminal ang nasakote ng pulisya sa isinagawang serye ng operasyon sa
Santiago
City, Isabela kamakalawa. Pormal na kinasuhan ang mga suspek na sina Joel dela Cruz, Elpidio Esteban, Richard Bacani, Bernardino Apostol, Guilbert de Guzman, Lyndon Serquera, John Rafael Nicasio, Belinda de Guzman, Melda Gonzales, Magdalena Esteban, Divina Esteban, Celia Apostol at si Elvira Cabansag, pawang nakatira sa
Pangasinan
. Sa tala ng pulisya, pinakahuling biktima ng grupo ay si Lola Margarita Duque, 75, na nag-withdraw ng P100,000 sa ATM account sa Santiago City matapos makumbinse ng mga suspek na kaibigan ng kanyang anak sa abroad at nag-utos na maglabas ng pera ang matanda sa banko. Nakumbinse rin ng grupo si Barangay Treasurer Flora Ataran, 52, ng Daragutan West, San Mariano, Isabela na nag-withdraw din ng P100,000 sa ATM account sa Cauayan City matapos magpakilala ang mga suspek na malapit na kamag-anak.
- Latest
- Trending
