Holdapan sa Tacloban

MANILA, Philippines - Hinoldap ng tatlong armadong kalalakihan ang sangay ng LBC sa Tacloban City, Leyte kahapon ng umaga. Sa ulat ni Tacloban City Police Director P/Senior Supt. Wilson Caubat na nakarating sa Camp Crame, magbubukas pa lamang ang establisyemento sa kahabaan ng Veteranos Avenue dakong alas-7:30 ng umaga nang pumasok ang tatlong lalaki na nag­panggap na kustomer at kasunod nito ay tinutukan ng baril ang mga kawani ng LBC. Wala namang nagawa ang mga kawani sa takot sa tatlong armado ng baril na agad nagdeklara ng holdap saka pinabuksan ang safety vault at nilimas ang malaking halaga. Nabatid na ikinulong ang mga kawani sa palikuran saka tumakas ang mga holdaper. Isa sa mga anggulong sinisilip ng pulisya ay inside job dahil sa kabubukas lamang ng LBC ay alam na may lamang pera ang vault.