Totoy minolestiya ng bading

BOCAUE, Bulacan ,Philippines  — Maagang napariwara ang isang apat na taong gulang na batang lalaki matapos itong m­olestiyahin ng isang bading sa bayang ito kahapon. Kasalukuyang nasa state of shock ang biktimang itinago sa pangalang Totoy habang agad namang naaresto ang suspek na si Jiven Aligay, 25 ; pawang residente ng Brgy. Duhat sa bayan ng Bocaue. Base sa report ni P/Supt.Elvis Diaz , dakong alas -5:10 ng hapon habang naglalaro ang biktima sa kanilang sala ng lapitan at ilabas ng bahay ng suspek. Nang hanapin ng ama ang anak ay nakita itong naglalakad at gusut-gusot ang damit na umiiyak hanggang sa usisain at dito na nadiskubre ang pangmomolestiya rito ng suspek. Nahaharap ngayon sa kasong child abuse si Aligay na humihimas na ng rehas na bakal.