Kumadrona kinidnap

MANILA, Philippines - Hindi pa nareresolba ng mga awtoridad ang pagdukot sa apat-katao, isa na namang kumadrona ang iniulat na dinukot ng mga armadong kalalakihan sa bisinidad ng Barangay Tagbak sa bayan ng Indanan, Sulu kamakalawa ng hapon. Kinilala ang panibagong biktima na si Evangeline Taverisma, 57, misis ng retiradong Philippine Army at nakatira sa Brgy. Asturias, Jolo, Sulu. Sa nakalap na impormasyon ng pulisya, ang grupo nina Commander Palu at Nasir Timbang ang sinasabing nasa likod ng pagdukot kung saan wala pang ransom demand na hinihingi kapalit ng pagpapalaya sa bihag. Sa tala, dalawa pang tripulante ang bihag, isang Malaysian trader na si Mohd Nazarudin Saridin at ang Bumbay na si Biju Kolara Veetil na pawang kinidnap noong Mayo at Hunyo.