CAMP SIMEON OLA, Legazpi City, Philippines – Sementeryo ang binagsakan ng mag-utol na lalaki matapos ratratin ng mga armadong kalalakihan sa videoke bar sa panulukan ng Arnaldo at Estrella Street, Barangay Poblacion sa bayan ng Balud, Masbate kamakalawa ng gabi.
Nakilala ang magkapatid na sina John “Bano” Goyong, 25; at Christian “Ian” Goyong, 20; habang nasugatan naman si Elizalde “Totong” Salvador, 22. Samantala, tugis naman ng pulisya ang walong suspek na kabilang sina Yancy Adrias, Dory Abella, Gino Artillero, at si Dodoy Romero. Sa police report, lumilitaw na magkasamang nag-iinuman sa videoke bar ang mga biktima nang pagbabarilin ng mga suspek.