Sundalo patay sa ambush

CAMP SIMEON OLA, Legazpi City ,Philippines  — Isang sundalo ang nasawi matapos na ito ay tambangan ng mga miyembro ng rebeldeng New People’s Army ( NPA ) habang pabalik na sana sa kanilang kampo sa Barangay Sangat, Gubat, Sorsogon kamakalawa. Nakilala ang biktima ay si Private Christian Montero, nasa hustong gulang, miyembro ng Bravo Company ng 49th Intantry Battalion ng Phil. Army. Bandang ala-1:20 ng hapon habang ang tropa ng Philippine Army ay pabalik na sa kanilang kampo ng ratratin ng mga rebelde kung saan mabilis na nakipagpalitan ng putok sa mga kalaban ang mga sundalo. Minalas namang masapul ng tama ng punglo si Montero na siya nitong ikinasawi. Patuloy ang hot pursuit operations laban sa grupo ng mga rebelde.