CAVITE ,Philippines – Sementeryo ang binagsakan ng isang 55-anyos na pedicab drayber matapos salpukin ng van sa Congressional Avenue sa Barangay Salitran 3, Dasmariñas City, Cavite kamakalawa ng gabi. Kinilala ang nasawi na si Cecilio Godinez ng Brgy. San Juan, Dasmariñas City. Arestado naman ang driver ng van na si Teodoro Ilagan, 46, ng # 3 Rosal St., Marikina City. Sa imbestigasyon ni PO3 Nicolas Rocero, naganap ang insidente dakong alas-10 ng gabi kung saan nahagip ang pedicab ng van (ULY- 390).