RIZAL, Philippines – Kalaboso ang binagsakan ng limang kalalakihan matapos madakma ng pulisya sa kasong panghoholdap sa mga pasahero ng jeepney sa kahabaan ng Sumulong Highway sa Barangay Sta. Cruz, Antipolo City, Rizal kamakalawa ng umaga
Pormal na kinasuhan ang mga suspek na sina Niño Mongueiz, 26; Ronel Gabin, 21; Alcris Tomboc, 20; Roger Bola, 20; at si Jayson Garola na pawang nakatira sa nabanggit na barangay.
Naaresto ang mga suspek matapos magreklamo ang mga biktimang sina Elsie Balagasay, 50; Joel Martin, 40; Jesus Enrique, at tatlong iba pa na sinasabing hinoldap habang lulan ng pampasaherong jeepney na may plakang NXW-948.