MANILA, Philippines - Isa na naman barangay kagawad ang iniulat na pinagbabaril hanggang sa mapatay ng ’di-pa kilalang lalaki sa bisinidad ng Sitio Mundoc, Barangay Cabaroan sa bayan ng Tayum, Abra kamakalawa ng gabi. Bandang alas-6:30 ng gabi nang isagawa ang pamamaslang kay Kagawad Arthur Alagao. Sa follow-up operation ay nasakote naman ng pulisya ang suspek na si Ilarde Jacquias na sinasabing may matinding galit sa biktima.