Mag-ama dedo sa akyat-bahay

PALAYAN CITY, Nueva Ecija, Philippines – Kamatayan ang sumalubong sa mag-ama habang tatlong iba pa ang malubhang nasugatan makaraang pagbabarilin ng mga ‘di-kilalang kalalakihan kamakalawa ng gabi sa Sitio Alorma, Barangay Doña Josefa sa Palayan City, Nueva Ecija. Kinilala ni P/Senior Supt. Roberto Aliggayu, provincial police director, ang mga napaslang na sina Pedro Donato, 64; at Susana Rodriguez, 43. Ginagamot naman sa Dr. Paulino J. Garcia Memorial Research and Medical Center sa Cabanatauan City, ang mga sugatang sina Lydia Donato, 56; Joselito Rodriguez, 33; at si Jericho Rodriguez, 13. Ayon sa pulisya, ang mga biktima ay pinasok sa kanilang bahay bago isinagawa ang pamamaril.