MANILA, Philippines - Kamatayan ang sumalubong sa isang 31-anyos na buntis habang tatlong iba pa ang nasugatan makaraang magbanggaan ang dalawang motorsiklo sa national highway ng Barangay Poblacion sa bayan ng Liloan, Cebu kamakalawa ng gabi. Kinilala ang nasawi na si Jerlyn Empasis, anim na buwang buntis habang sugatan naman sina Ben Empasis, 30; Nilo Malagar, 42; at Novem Wagas. Ayon sa imbestigasyon minamaneho ni Ben ang motorsiklo kaangkas ang buntis nitong misis nang makabanggaan ang motorsiklong sinasakyan nina Wagas.