Kinalasan ng nobya, binata naglason
MEYCAUAYAN CITY, Bulacan , Philippines — Hinihinalang pakikipagkalas ng girlfriend at kawalan ng mapapasukang trabaho ang naging dahilan upang kitlin ng isang 22-anyos na binata ang kanyang sarili sa pamamagitan ng pag-inom ng silver cleaner matapos na matagpuan itong nakabulagta sa loob ng kanyang bahay.
Hindi na umabot pang buhay sa ospital ang biktima na kinilalang si Darwin Untal residente ng Pineville Subd., Brgy. Lawa sa siyudad na ito.
Base sa imbestigasyon dakong alas-9:10 ng umaga nang matagpuan ng kaniyang mga magulang ang katawan ng biktima sa loob ng kuwarto nito katabi ang isang bote ng likido.
Napag-alaman din na naging malulungkutin ang biktima nitong mga nakaraang araw at isiniwalat sa kanyang ama ang suliranin na pinaniniwalaang dahilan nang isinagawa nitong pagpapakamatay.
- Latest
- Trending
