Lider ng Pentagon KFR dakma

MANILA, Philippines - Naaresto ng security for­ces ang itinuturing na lider ng notoryus na Pentagon kid­nap-for-ransom gang sa isinagawang operasyon sa Mother Brgy. Poblacion, Cotabato City kamakalawa. 

Pormal naman sumasailalim sa tactical interrogation ang suspek na si Abdulmanan Mabang alyas  Commander Keneng. Ayon sa ulat, bandang alas-12:20 ng hapon nang masakote si Commander Keneng sa kahabaan ng nabanggit na barangay.

Dinakip ang suspek sa bisa ng warrant of arrest na inisyu ng korte kaugnay sa pagkakasangkot sa mga kaso ng attempted kidnapping, kidnapping  with ransom and serious  illegal detention, kidnapping with robbery at iba pang kasong kriminal.

Nasamsam sa suspek ang isang granada.