3 bayan sa Maguindanao 'ghost town'

MANILA, Philippines - Nagmistulang ghost town ang ilang barangay sa tatlong bayan sa Maguindanao  matapos lumobo na sa halos 2,000  ang nagsilikas na residente sa takot na madamay sa clan war ng angkan ni Governor Esmael Mangudadatu at ng 109th Moro Islamic Libe­ration Front rouge elements, ayon sa ulat kahapon.

Aabot sa 197 pamilya ang mga nagsilikas o kabuuang 1, 733-katao na nagsilikas mula sa Brgy. Tenok, Mangudadatu gayundin mula sa mga bayan ng Buluan at Pandag.

Kabilang sa mga nagsilikas ay 60 pamilya mula sa Brgy. Kayaga, Pandag; 67 pamilya sa Brgy. Degal, Buluan; 23 pamilya sa Upper Siling, Buluan (ASFA Multi Purpose Building, 26 pamil­ya mula sa  Upper Siling na kinukopkop naman sa ASFP Warehose at  32 mula naman sa Brgy. Poblacion sa bayan ng Buluan.

Sumiklab ang kaguluhan matapos ang pananambang ng grupo ni 109th MILF Base Command Commander Tautin Salendab sa angkan ng mga Mangudadatu noong Linggo kung saan aabot sa 11-kato ang nasawi

Samantala, nagpakalat ang 240 company ng mga sun­dalo at 12 tangke sa na­sabing lugar na apektado ng tensiyon.

Inihayag naman ni Major Gen. Emmanuel Bautista, Deputy Chief of Staff for Ope­rations (J3) sa kasalukuyan ay nanatili ang tropa ng pa­mahalaan sa lugar upang maiwasang kumalat pa sa iba pang mga lugar sa Maguindanao ang kaguluhan.