Jail warden sinibak

Rizal,Philippines  — Sinibak sa puwesto si Antipolo City jail warden J/Supt. Carolina Borinaga, kasunod na rin ng kahilingan ng mga preso, na nag-hunger strike at noise barrage nitong Huwebes.

Ipinalit naman kay  Borinaga si J/Senior Insp. Wilfredo Jalbuena, na mula sa Regional Office ng Bureau of Jail Management and Penology (BJMP).

Ayon kay Jalbuena, balik na sa normal ang sitwasyon sa loob ng jail at maaga pang nagsagawa ng kanilang daily exercise ang mga preso.

Matatandaang una nang hiniling ng mga preso na masibak sa puwesto si Borinaga dahil sa umano’y paggutom sa kanila at hindi pagpapapasok sa kanilang mga dalaw bagay na pinabulaanan naman ng opisyal .

Nabatid na ang Antipolo City Jail ay mayroong 740 inmates at mayroon itong P37,000 na budget sa pagkain kada araw.