MANILA, Philippines - Kamatayan ang sumalubong sa mag-asawa matapos na salpukin ang kanilang motorsiklo ng pampasaherong bus sa kahabaan ng Davao-Agusan Highway sa bayan ng Monkayo, Compostela Valley kamakalawa ng gabi.
Halos napisak ang katawan nina Evelyn at Victor Amandoron na kapwa nakatira sa Brgy. Upper Ulip sa bayang nabanggit. Ang nasabing ginang na 2-buwang buntis ay dead-on-the-spot habang idineklara namang patay sa Compostela Valley Provincial Hospital ang mister nito.
Lumilitaw na binabagtas ng mag-asawa na magkaangkas sa motorsiklo ang highway nang mabangga ng Bachelor Express Bus (LXA-533) na nag-overtake sa sinusundang pedicab.