Banyaga utas sa Viagra

MANILA, Philippines -    Pinaniniwalaang na-overdose sa pag-inom ng viagra, kaya natigok ang isang 64-anyos na Danish national habang nakiki­pag-sex sa kanyang ka-live-in sa Brgy. Poblacion sa bayan ng Salug, Zamboanga del Norte kamakalawa. Idineklarang patay sa Liloy Integrated Hospital si Gudmund Liebach na may postal address sa Kastanie Alle, Engesvang, Denmark at pansamantalang nanunuluyan sa nasabing lugar. Base sa police report na nakarating sa Camp Crame, lumilitaw na nagtatalik ang magka-live-in nang sinapo ng biktima ang kaniyang  kaliwang dibdib at dumaing ng paninikip ng paghinga. Dito na isinugod sa ospital ang biktima katuwang ang kanyang live-in na si Lorena Campasas, narekober sa kuwarto ng magka-live-in ang ilang foil pack na pinaglagyan  ng Viagra.