TAYTAY RIZAL, Philippines — Napisak ang katawan ng isang lolo makaraang aksidenteng masagasaan ng isang rumaragasang dump truck sa bayang ito kahapon ng umaga. Ang biktima ay nakilalang si Demetrio Dacutac, 73, biyudo ng Riverside corner Exodus, Floodway, Barangay Sta Ana, ng nasabing bayan. Agad naman sumuko sa mga awtoridad ang driver ng truck na si Nestor Dacame, 59, may-asawa ng Prezwell Subd., Putatan, Muntinlupa City. Sa ulat ng Taytay Police, bandang alas-4:30 ng madaling araw kahapon habang papatawid ang biktima sa Sta Ana road ng mabangga at makaladkad pa ng humahagibis na dump truck na may plakang UMG-681 na pag-aari ng Dee Concrete Inc. Nahaharap naman sa kasong reckless imprudence resulting to homicide si Dacame.