10 Acetylene Gang tiklo

CAVITE , Philippines  - Kalaboso ang binagsakan ng sampung kalalakihan na pawang notoryus na miyembro ng Acetylene Gang matapos madakma ng mga operatiba ng pulisya sa isinagawang follow-up operation sa bahagi ng Barangay Manggahan sa bayan ng General Trias, Cavite kamakalawa. Kabilang sa mga suspek na kinasuhan ay sina Bulatag Botsicao, Benido Dalligos, Benjamin Bas-Angen, Bruce Dizon, Antonio Ugalde, Sammy Galdones, Eddie Marcelo, Lito Hernando, Benjamin Dacio, at si Rafael Dizon na pawang mga construction worker. Ang mga suspek ay nagtangkang manloob sa Villanueva Pawnshop matapos gumawa ng tunnel mula sa kanilang pinagkukutaan patungo sa nabanggit na bahay-sanglaan. Narekober sa mga suspek ang maliit na tangke ng acetylene, flashlights, 2 hydraulic jack, mga bote ng tubig, baril, at iba pang kagamitan sa paghuhukay.