Gas attendant dedo sa holdap

KIDAPAWAN CITY, Philippines — Pinagsasaksak hanggang sa mapatay ang isang 24-anyos na gasoline attendant ng dalawang ‘di-pa kilalang lalaki sa kahabaan ng highway na sakop ng Barangay New Pangasinan sa bayan ng Isulan, Sultan Kudarat kamakalawa ng gabi. Ayon sa ulat ni PO2 Primitivo Ramales ng Isulan PNP, pinara ng dalawang ‘di-kilalang lalaki ang naka-motorsiklong si Michael Lapidez Vallerio at nakiusap na magpahatid sa bahagi ng nabanggit na barangay. Pumayag naman ang biktima kung saan habang binabaybay ang nabanggit na highway ay biglang inundayan ng saksak sa likurang bahagi. Matapos isagawa ang krimen ay tinangay pa ang motorsiklo ng biktima.