4 kritikal sa karambola

BAYOMBONG, Nueva Vizcaya, Philippines – Apat-katao ang malubhang nasugatan matapos magkarambola ang tatlong sasakyan sa national highway sa Barangay Castillo sa bayan ng Echague, Isabela kamakalawa ng umaga. Kabilang sa mga sugatang pasahero ng traysikel ay sina Lora Velasco, Jonalyn Velasco, Jovan Velasco at ang driver na si Jessie Velasco na pawang nakatira sa Barangay Balibago. Ayon sa police report, nahagip ang traysikel ng isang van na pinilit mag-overtake sa pampasaherong bus patungong Tuguegarao City. Nabatid na humiwalay ang motorbike sa sidecar kung saan tumilapon ang mga biktimang naisugod naman sa ospital sa Santiago City. Tugis ng pulisya ang driver ng van habang ang driver Dalin Bus Line na si Esmundo Jacinto ay nakakulong.