Naningil ng pautang grinipuhan

BULACAN, Philippines  — Kasalukuyang nakikipaglaban kay kamatayan ang isang 49-anyos na negosyanteng Bumbay makaraang saksakin ng isang tindero na sinisingil sa pagkakautang kahapon ng umaga sa bisinidad ng Barangay Lolomboy sa bayan ng Bocaue, Bulacan kahapon ng umaga. Naisugod sa Nazarenus Hospital sa Meycauayan City si Johnny Singh ng Brgy. Lolomboy habang naaresto naman ang suspek na si Mark Anthony Santillan, 24, ng Brgy. Bunducan. Sa ulat na nakarating kay P/Supt. Ronald De Jesus, lumilitaw na namataan ni Singh ang suspek sa bisinidad ng Joner’s Supermarket kung saan sinisingil sa pagkakautang. Dahil sa walang pambayad ang suspek ay agad na umalis subalit hinabol ng biktima kung saan naganap ang krimen.