LEGAZPI CITY, Philippines – Binistay ng bala ang isang brgy. chief tanod ng dalawang hindi pa nakilalang motorcycle riding in tandmen sa Sitio Pulot, Brgy. Taysan sa lungsod na ito kahapon ng umaga. Kinilala ang nasawing biktima na si Ernesto Manago, 60-anyos, may-sawa at hepe ng brgy. tanod sa naturang barangay. Batay sa report kay Supt. Abelardo Borromeo, Chief of Police ng Legazpi City, dakong alas-7:30 ng umaga habang ang biktima ay naglalakad na papauwi sa kanilang bahay ng pagbabarilin ng mga salarin. Agad na bumulagta ang biktima sa tinamong mga tama ng bala ng cal. 45 pistol at cal 9 MM habang mabilis namang tumakas ang mga suspek.Iniimbestigahan pa ang motibo ng krimen.