2 konsehal itinumba

MANILA, Philippines - Napaslang ang dalawang konsehal ng barangay sa naganap na panibagong karahasan sa magkahiwalay lugar sa Iloilo City at Zamboanga, Sibugay kamaka­lawa. Si Councilor Efren Tuvila ay binaril at napatay sa kahabaan ng Rizal Pala-Pala, Zone 2 sa Iloilo City, Idineklarang patay sa Iloilo Doctor’s Hospital si Tuvila matapos mapuruhan sa likod at ulo. Tugis naman ang suspek na si alyas Onyok Castor na itinuro ng mga nakasaksi sa krimen. Samantala, niratrat at napatay sa Councilor Crispin Lozano sa bisinidad ng Brgy. Sisay sa bayan ng Tungawan, Zamboanga, Sibugay. Hindi naman nasaktan ang kanyang misis na nakaupo at nakikipag-usap sa biktima sa harapan ng kanilang tahanan.