Trader pinalaya na
MANILA, Philippines - Pinalaya na kahapon ng kanyang mga armadong kidnapper ang isang negosyanteng babae na dinukot sa bayan ng Sto. Niño, South Cotabato noong Lunes.
Ayon kay Army’s 6th Infantry Division (ID) Spokesman Capt Razaleigh Bansawan, si Grace Eleuterio, may-ari ng Denmark Transport Cooperative ay ligtas na pinakawalan sa Sitio Awot, Brgy. Poblacion, Bagumbayan, Sultan Kudarat kahapon dakong alas-10:30 ng tanghali.
Gayunman, iniimbestigahan pa kung nagbayad ng ransom ang pamilya ng bihag sa mga kidnaper na humingi ng P10-M kapalit ng kalayaan nito.
Si Eleuterio ay dinukot sa kanilang terminal sa bayan ng Sto. Niño, South Cotabato kung saan namatay ang tauhan nitong si Joan Ponteleon at sugatan naman ang mister nitong si Demosthenes.
Ang ginang ay dinala na sa pagamutan upang isailalim sa medical check-up.
- Latest
- Trending
