Nanampal ng misis tinodas

QUEZON, Philippines  – Napaslang ang isang 33-anyos na magsasaka matapos na pagtulungang saksakin ng magkapatid nang sampalin ng una ang asawa ng isa sa suspek sa Barangay San Juan, San Narciso, Quezon kamakalawa ng umaga. Kinilala ng pulisya napatay na si Filbert Aureada samantalang tugis naman ng pulisya ang mga suspek na sina Ricky at Raymark Villanueva. Ayon kay PO2 Rexie Callejo, may-hawak ng kaso, nagtungo ang biktima sa barangay hall upang harapin ang kasong isinampa sa kanya ng asawa ni Ricky. Kinumpronta ng biktima ang babae saka sinampal subalit nakita ni Ricky ang ginawa sa kanyang misis kaya inundayan ito ng saksak kung saan tumulong na rin ang kapatid na si Raymark.