QUEZON, Philippines – Nagkabutas-butas ang katawan ng isang 22-anyos na lalaki matapos pagtulungang saksakin ng tatlong senglot na lalaki sa bisinidad ng Bayabas Street, Purok Atin-atin, Barangay Market View sa Lucena City, Quezon kamakalawa ng gabi. Kinilala ng pulisya ang napaslang na si Ronnel Lagrama habang arestado naman ang isa sa tatlong suspek na si Cristopher Jasminez, 21. Tugis naman ng pulisya sina John-John Sante, 25; at isang 15-anyos na lalaki. Ayon kay PO3 Alvin Evangelista, naparaan ang biktima sa tindahan kung saan nag-iinuman ng tatlong suspek. Inalok na uminom ang biktima kung saan pinaunlakan naman nito. Dahil sa malakas uminom ng alak ay nagalit ang mga suspek sa biktima hanggang sa magkainitin na humantong sa pamamaslang.