2 minero todas sa videoke bar
CAMP SIMEON OLA, Legazpi City, Philippines — Dalawang minero ang nasawi matapos na pagbabarilin ng isang kustomer na hindi sinasadyang nasagi ng mga ito habang patungo sa comfort room sa loob ng videoke bar sa Barangay Puro, Aroroy, Masbate kamakalawa.
Nakilala ang mga biktima na sina Ricardo Rino aka Ricky 35-anyos at Joel Danao; pawang mga residente ng Barangay Tinago ng naturang bayan.
Samantala ang suspek ay kinilalang si Allan Cordero 36, residente ng Sitio Siwayan, Barangay Bangon ng nabangit na lugar.
Batay sa ulat ng pulisya ang insidente ay naganap dakong alas-8:00 ng gabi sa Rice Videoke bar. Nabatid na nag-ugat ang pamamaril matapos na hindi sinasadyang masawi ng mga biktima ang suspek. Sumuko naman sa pulisya ang suspek na nahaharap sa kasong kriminal.
- Latest
- Trending
